Awa Yama idi Ina

Posted: 4 April 2019 in Uncategorized

Awa Ina yama

Nier dipar dai, Yama ngukat ba’. Pana neh temepek meba’ amung burur. Luk ngakem anid aco, na keli merur, raruh terawe maman anak luk mula’.

Berauk Taie and Gerit Sinawat

Idi ui nier tunge. Ina tekunel. Tebukut nganuh ugam sier. Tebeco idi kedangan. Na keli malo. Raruh terawe ngasa anak luk mula’

Lutep merimud mawa mecing mangared

Mesukol ui ulun mepura. Keraja ngerada lawe ulun lun tana’. Mecing ui nacan ina yama. Medereh mulun na lun ngasa. Bele bele ulun ku… bele bele… ulun ku.

Kareb ui muli ina nenangi, nengapel ngegala awa neh. i Yama tekunel… naan abpa mateh neh. Awa luk rayeh rat bang niat ina yama’.

Long Tanid. 6:30am

Rasat aco langit mebata. Bui mecing ngiup melaya. Sukor muni pangeh tekura. Ali ali anak sut rudap.

Long Tanid bawang kuh yeneh. Arang surud tinudo medita. Abpa Trusan abpa libaluh abpa lisen manud iring neh.

Lawe ulun anak lun bawang. Kareb ideh mulun tebawang. Ngasa do do bawang tau. Pale bawang tau buren kedangan.

Buduk Balud pegkung mebala. Pian ui menad niat melaya. Do te’ ui ame bang abpa. Ngenub lawid sabpen kuh te’ yeh.

Laput arang gawa. Naneb niat. Nau niat mawang.

Bawang sinih bawang luk do inan mudeng. Penu kuh duru tibu mulun dengan do. Peruan meruked bire Allah. Kuan lemulun luk pucang Naneh.

 

Tanggal 30hb March 2019, Keluarga rayeh kai pupuh inul Berauk Taie idi Gerit Sinawat nau akan awang niat kuan taman idi tinan tau.

Keluarga Rayeh Berauk Taie idi Gerit Sinawat

Atun tau ngelubed ubur rayeh idi dita kuan Tuhan Yesus ngaceh kuh kuyut pedangan Neh amung miek mangun idi nalan dengan do.

Taman kai Sembayang ngeperuan pupuh inul neh bang Ruma’ Allah luk meligan

Ui mewaklili amung kinanak kuh… mala mula’ mula terima kasih kuan amung amung tau luk pangeh nemarey bare. Do melalui sembayang, usin, tenaga idi masa muyuh. Tuhan mo’ luk miek ngeperuan idi ngua’ do muyuh kuan kai nganak.

Tujuan rayeh tau ngenau gio luk kudeng inih iyeh ineh ngelubed idi mada do awa idi katu Allah luk nemere ulun luk do idi mekadang kuan Ina idi Yama.

Merepet gio luk kudeng inih na ucu’. Dawa pupuh inul idi generasi luk mangud miek ngenau gio luk mepad kuan tatek ruma’ tau manid burur.

 

 

43047678_10218240189782849_1137356199528759296_n

CRC LONG SEMADOH IDI CRC BAKELALAN

Tanggal 29 September 2018 rurum CRC Long semadoh idi CRC Bakelalan pangeh mepapu pegayam ratnan tuda tuda terawe ratnan pulung, pegkung, abpa idi kayuh.

Bang apu’ ineh inan tuda’ tuda’ terawe luk pangeh ginayam kai

42992914_10218240239464091_6784709526244294656_n

43056119_10218240240104107_6954561743200714752_n

Semetuneh, tanggal 8hb October 2018 inan gayam mangun ruen dai Long Semadoh Rayeh. Tau CRC pian nutum ngayam inih dengan kompeni Samling idi nateng Forest Dept, Tuan Resident Limbang, DO Lawas idi tuda’ tuda’ agensi perita luk berkenaan tetangen macing bang apu’ gayam ineh.

Iamo’ ui inan sabeng ngaceh kuh lawe ame’ tunge KK idi Miri. Merapet gayam luk inau CRC Long Semadoh idi Bakelalan dengan kompeni Samling miek nganau aceh bala putut luk do.

 

 

 

SEBAHGIAN ANGKATAN MUDA IDI PEMUDA BEM LONG TANID

Mawang niat. Ui miek ngalap kareb maya’ lawe dawa anak adi’ rat Gereja tau BEM Long Tanid nau pelayanan dai Borneo Theological Seminary (BTS) dai Ranau Sabah.

Ngikak Website BTS idih Klik Yenih: http://btssib.com/

Kuan idey idey anak tau luk megeragan ame’ sekula’ ago, miek daftar ngaceh kuh sekula’ ago inih mukab kuan tau amung luk inan geragan idi kelayakkan luk litep.

Bang lawe ineh dawa’ anak adi’ nenebpu’ uduh bang kawasan sekula’ idih nguit barey kuan keperluan dapur BTS.

Marey Barey kuan dapur BTS

Agan pana’ sesut barey luk inuit dawa’ anak adi, sekurang kurang neh miek ngaran sesut belanja kuan mela 70 pelajar idih tenaga pelajar luk sekula’ ago Yenih.

Dawa Pemuda BEM Long Tanid nebpu uduh

Pegayam dengan Tuan Pengetua

Pengetua BTS PST.DR. SINTOH YUSOP, D.Th pelaba awang niat kuh acing rombongan inih.

Sepangeh pelayanan dai BTS, sebelum kai muli rombongan inuit Tuan Pengetua ngikak Kabun Sabah Teh idi ngikak sistem Tagal Sg Moroli.

Project Mudut Micro Hydro

Posted: 15 Oktober 2018 in Micro Hydro

2016

Atun Ubur Rayeh idi Dita’ kuan Allah Taman luk bang surga. Agan pana’ pangeh mio ui na neh ngayud idi update webs kinih. Aco sini ui ngalap kareb… nutun nutun ngayud sesut.

Rat uli’ kuh ine kampung rat KL, mulun tebawang pelaba do ramai sen. Iamo kareb peh aco malem perlu neh lapung kuh acang.

Macing aceh terawe nakap compani idi idey luk miek mudut projek hidro kuan bawang tau Long Tanid.

Mawang niat… ui nepapu aceh rurum kuh rat TONIBUNG ieh ineh YB Senator Adrian Banie Lasimbang. Melalui nadeh tau neh ngenau kertas kerja paley miek nakap lun luk miek marey sponser kuh mudut hidro kuan bawang tau.

Lak 2016 tau nimun survey rueb abpa libaluh idi nari kinula’ abpa, kedita’ rueb idi lawe batang paip idi tiang lapung luk inan mudut Hidro ineh.

Mawang niat, bawang tau Kampung Long Tanid miek peruyung pad pad dengan TONIBUNG ngenau idi nakap dalan paley miek nguit acang kuan bawang tau

Melaui kerjasama inih, tau pangeh nengalap dana inan mudut Micro Hydro inih rat nadeh SGP/UNDP

Pekatu dengan lawey projek inih paley miek marey acang kuan amung amung ruma’ luk idih bang bawang tau lun Long Tanid

KAMPUNG LONG TANID 2018

 

LONG SEMADOH TRAVEL & ADVENTURE

Long Semadoh Homestay

Long Semadoh about 100km from Lawas town is a Lun Bawang settlement, located in theBorneo Highlands.

This homestay offers visitors with an excellent opportunity to experience Lun Bawang culture and lifestyle, warmth and friendly hospitality along with nature at its best.

Long Semadoh is perfect natural retreat for those seeking quiet and peaceful surroundings the jungle is an unforgettable experience for everybody that likes to escape the busy normal life and wants to experience more about beautiful natural rainforest biodiversity.

Long Semadoh HomestayActivities

  • Jungle trekking
  • Birdwatching at Paya Maga (Sarawak)
  • Insects Of Borneo (Semadoh Valley)
  • Burial Caves
    (Burial caves are part of the myths and legends of the Orang Lun Bawang of Borneo)
  • Mountain climbing
  • Waterfalls and crystal clear water streams
  • Local Village Tour
  • Unique Lun Bawang cultural and cuisine
  • Long Lidong’s tagang system
  • Merarap Hotspring Lodge

CONTACT FORM