“SIKULA’ TU TU, RAYEH MUCI AME’ KUH TUAN”

Posted: 22 September 2011 in Education, Life
Tag:, , ,
SMK LAWAS. 5AP-1989

SMK LAWAS. 5AP-1989

Mon kareb kuh masih isuut, megai ui ninger bada’ lun kuma remarar dih ngecuk sikula’ tu tu. Buri deh, mileh peh nai bang sikula’ ame’ kuh tuan neh nai muci.

Ezra Balan

Ezra Balan

Kareb kuh rayeh peh, ui keli tu tu ilung bala ideh dih. Kareb nai keraja nareh ait idang bekuli yang imet lun baken, Inan te’ inuud nai kuh na neh belajar tu tu kareb nai masih titen ‘anak sekula’ mon dih. Kian lek, medita’ peh sikula’ nai mon lek, na nei nekinih inan bisnes atau ame’ kuh taukey peh lek?

Iamo’ agan pana kudeng ineh ui keli’ tu tu idi pian ui mada’ inan amung anak anak kuh muci pale makai amung kareb luk do bang sikula’ inan ngalap ileh.

Ngerawe lemubed kuan pupuh tau Lun Bawang. Arang kinula’ 22,319 anak Sarawak luk necu sikula’ bang 20 IPTA tunge Malaysia, tuda’ burur ke’ anak Lun Bawang arang deh? Rayeh rapet… pale’ mula’ iyap inul tau anak Lun Bawang necu sekula’ medita’ pale tau na mekatacan. Kudeng anak anak tau Lun Bawang inan sikula’ medita’ tau miek mangun kuh ‘indigenous human capital’ luk berkualiti dih ideh miek nganang ngadan Lun Bawang arang pupuh baken.

Elda Saran Balan

Elda Saran Balan

Tunge Sarawak inan 2 IPTA (Universiti Malaysia Sarawak (UNIMAS) idi Universiti Teknologi Mara (UiTM) Kampus Sarawak). sebaken ratnan ineh inan 2 Politeknik (Kuching idi Mukah) 4 Kolej Komuniti (Kuching, Mas Gading, Betong idi Sentubong) idi te’ 36 IPTS – Sebabpat arang deh luk mebala kudeng; Curtin University Of Technology (CUSM), Swinburn University, University UCSI idi luk baken te’…

Mon bang rica’ generasi luk atun, luk keli kuh anak Lun Bawang lun do luk inan binaweh atau anak Lun Bawang luk pangeh nengalap biasiswa mo luk miek  necu sikula’ deh tunge Malaya. Iamo’ nekinih peluang pangeh mukab kuan ide ide pana’ miek necu sikula’ tunge Melaya luk inan kinula’ 20 IPTA idi 27 Politiknik . Mula’ anak anak tau Lun bawang tunge Malaya nekinih peh. Rayeh rapet ideh inih sikula’ tu tu.

Advertisements

Tinggalkan Jawapan

Masukkan butiran anda dibawah atau klik ikon untuk log masuk akaun:

WordPress.com Logo

Anda sedang menulis komen melalui akaun WordPress.com anda. Log Out / Tukar )

Twitter picture

Anda sedang menulis komen melalui akaun Twitter anda. Log Out / Tukar )

Facebook photo

Anda sedang menulis komen melalui akaun Facebook anda. Log Out / Tukar )

Google+ photo

Anda sedang menulis komen melalui akaun Google+ anda. Log Out / Tukar )

Connecting to %s