Archive for the ‘Aktiviti’ Category

LONG SEMADOH TRAVEL & ADVENTURE

Long Semadoh Homestay

Long Semadoh about 100km from Lawas town is a Lun Bawang settlement, located in theBorneo Highlands. This homestay offers visitors with an excellent opportunity to experience Lun Bawang culture and lifestyle, warmth and friendly hospitality along with nature at its best. Long Semadoh is perfect natural retreat for those seeking quiet and peaceful surroundings the jungle is an unforgettable experience for everybody that likes to escape the busy normal life and wants to experience more about beautiful natural rainforest biodiversity.

Long Semadoh HomestayActivities

  • Jungle trekking
  • Birdwatching at Paya Maga (Sarawak)
  • Insects Of Borneo (Semadoh Valley)
  • Burial Caves
    (Burial caves are part of the myths and legends of the Orang Lun Bawang of Borneo)
  • Mountain climbing
  • Waterfalls and crystal clear water streams
  • Local Village Tour
  • Unique Lun Bawang cultural and cuisine
  • Long Lidong’s tagang system
  • Merarap Hotspring Lodge

CONTACT FORM

 

Advertisements
Lun Bawang Kuala Lumpur Bang Apu' Luk Pun Pun

Amung Ubur Rayeh idi Dita’ kuan Allah Taman tau luk bang surga luk tau ngiti bang Tuhan Yesus.

Bang alem 3/3/2012 aco 6, pukul 7.30pm – 10.00pm dai SIB Metropolitan Kuala Lumpur (Sama bangunan dengan SIB Brickfield) Pangeh mangun apu’ luk pun pun arang kinanak kinanak tau Lun Bawang luk idih keraja, sikula’ idi tebawang bang sekitar Lembah Klang idi Kuala Lumpur.

Mawang niat kuh nier usaha pupuh Lun Bawang luk miek macing bang apu’ luk pun pun inih. Inan luk necing rat Klang, Shah Alam, Subang, Petaling Jaya, Setapak, Cheras, Ampang, Kampung Atap idi te’ luk tudo libut kotaraya Kuala Lumpur

Acara nimun dengan sesut ‘light dinner’. Tuda’ tuda’ kinanak nguit akan secara ‘pot bless/potluck’. Inan biter abi, biter berek, nubalaya, pinaram, telu’ baka idi sesut baka goreng cili kering.

Sepangeh kuman, kai ngalap kareb nani idi ninger ago bang buri Lun Bawang.

Mula’ nani Ubur luk bang buri Lun Bawang inau kai ngenau. Kareb kai menani… ui secara peribadi merasa dat niat. Terawe kuh lemubed ngerawe kampung luk pangeh tican. Ngerawe nih ina’ didueh yama’. Ngerawe pupuh kuh Lun Bawang. Iamo’ inan awang luk rayeh agan pana’ mado keraja bawang dulun, masih inan te’ kareb luk do bire Tuhan Yesus pale kai miek mepapu’ peruyung ngerayeh Naneh bang bala idi buri Lun Bawang.

Setecuneh Pastor Edwin Agong nguit nekai ninger sekemu’ bala Tuhan. Ago aco sinih ilap bang;

INUL LUK KEDUEH 7: 11-15.

 Ayat 14 pebala: Kudeng pupuKu luk titen ku ngadanKu, ngebeneh bururdeh idi sembayang idi nakap Negku, idi uren ratnan lawe’deh luk dat ineh, idi Ui miak ninger rat bang surga idi mare do kuh sala deh, idi ngedo bawang deh. 15 Idi matehKu Kulat idi lalidKu ninger putuh sembayang muyuh bang Ruma’ ini.

Pastor Edwin Agong mada Ago bang buri Lun Bawang

Pastor Edwin Agong mada Ago bang buri Lun Bawang

Bala Tuhan luk inau kai ninger alem sinih nguit nekai ngerawe idi keli, ngacekuh Katu idi Awa Tuhan kuan pupuh tau Lun Bawang tau inulun ngeceh kuh tau pangeh neh ngalap Bala Luk Do (Ago) ineh. Idi tau miek mulun mangun kuh turuk peruan yapeh pana’ inan tau mulun, agan pana’ iyap tau masi’ berbanding dengan pupuh baken.

Pastor Edwin pana’ kongsi cerita mengenai usaha idi dareh tuda’ tuda’ lun mebuda’; kudeng Pendeta’ Tuan Tapu, Pdt Meripa’ idi luk baken berusaha ngacing bala Tuhan kuan pupuh tau Lun Bawang mon. Inan peritateng deh, pale pupuh tau Lun Bawang na nacan Tuhan idi ngelatep anu macing ruked ulun.

Apu’ kai inau ngitek dengan sembayang pemberkatan.

“Apu’ luk ke-2 miek mangun 7hb April 2012. Tempat luk mepad”

Amung tau luk keraja, sikula’ idi tebawang tunge Kuala Lumpur idi Semenanjung do macing ngalap kareb pad pad. Tuhan ngaperuan pupuh tau Lun Bawang.

  • LONG SEMADOH

    Kuan anak2 luk rat Sentral Long Semadoh. Kudeng apeh kudeng tau ngalap kereb muli nganau aceh apu’ kuan dawa NGERED luk tican tau dai kapung? Tau ngamung nedeh bang sebuleng kapung. Tabang idi akan tau temina/mare’. Tau nau tuda2 aktiviti kuan deh. Tau nau rot kuan deh. Tau mare tarub, ubat urut, berus lipen, ubat lipen, sabun……. . Ide luk mileh nguting, miak nguting abpuk deh. Ide’ luk mileh ngurut, miak ngurt nedeh. Ide’ luk mula usin, miak mare akan idi tabang kuan deh. Ide’ luk mileh nanai, miak nanai kuan deh. Mula luk beken teh luk tau miak nganau kuan deh. Anun samal deh neninger bala tau ngekem bawang dulun. Muli tau idi mare’ tau luk kuan deh.

    Unlike ·  · Share · 3 hours ago ·

    • You and 11 others like this.
    • View 1 share
      • Pinudung Labung Aceh terawe luk pelaba do.

        3 hours ago · Like
      • Malvin Petrus Eday luk inan kerita, nguit nedeh nalan2, eday luk inan m0t0r., nguit kedeh liud2 lun tana.. Eday mileh ngesambal, nguit nedeh ngesambal, eday mileh ngerabat, nguit nedeh ngerabat, eday mileh ngiep akep., nguit kedeh ngiep akep.. Eday mileh mudut gasing, mudut ceh wan deh, mer0t pad2 tau.. Eday inan guli, mer0t pad2 tau dgn deh,,nguit nedeh mer0t(na muy0k k0.. Na skill deh neh, dat sier deh neh peh, mei’ kedeh).. Eday mileh mudut layang2, mudut ceh kuan deh, mer0t pad2 tau… Eday mileh neteg tubung pa malem, neteg yeh, ame tebupun tau malam pad2 dgn deh, sebayang kuan deh.. Pelay Tuhan ngeperuan nedeh, meray kesihatan dan ulun luk mekadang..

        2 hours ago · Unlike ·  1 person
      • Malvin Petrus Na nguit kedeh ame nganup me, na meperada deh angang uko’ napeh… Merur deh napeh.. 😀

        2 hours ago · Like
      • Grace Bethesda John Setuju~dgn na Naru aceh tebupun pemung KKR teh…pele inan revival mangun bang bawang tau sendiri

        2 hours ago · Like
      • LONG SEMADOH Please ‘share’.

        2 hours ago · Like
      • Liser Pengiran Pelaba do plan sineh kinanak. Tuhan ngeperuan
        _______________________________________________________

        KUDENG IKO ANAK RAT LONG SEMADOH, NULONG MARE TERAWE IDI BALA BANG FORM LUK PA BANEH INI.

My Faith, Hope and Love

My Faith, Hope and Love

Mulun bang tana’ inih mesusa kudeng nai mulun maya’ pian niat luk ngerada’ anun anun luk ‘na meruked‘. Ilung bala kuh yanih, anun pana kinula binaweh muh, amung ineh na miek ngelibal idi melih awang, anu idi awa luk bang niat nai. Binaweh ineh miek mabud, miek metugor idi miek metutu. Amung na ulek neh.

Iamo’ ide na pian balen lun do? mula’ binaweh, rayeh ruma’ idi kerita?…

Ngelubed terawe kuan sebabpat lemulun luk baken. Sonilad 9hb Oct 2011, kai ngeruma’ ine’ ngikak sebuleng alud rayeh LOGOS HOPE  luk kiado kira kira 30 minit drive rat ruma kuh. Alud ineh mapit dai Pelabuhan Klang @ Star Cruise Pulau Indah.

Umak alud LOGOS HOPE luk pelaba rayeh idi  kikadang 132 meter. Inan 392 burur lemulun rat 50 macam bawang bang tana’ inih mare ulun deh kinio 2 lak mulun idi keraja nan alud rayeh inih. Amung deh NA INAN GADI termasuk captains alud inih. Kos lawe alud inih ratnan bare bare lemulun luk mekatu mo’. klik: Give Online

Educational Book Exhibits Ltd. (EBE) rat UK, luk kuan alud LOGOS HOPE inih. Alud inih nalan yang imet GBA Ships e.V. (Good Books for All).

Inan kinula mela ratnan 5,000 bukuh nan alud inih luk ruen deh masui.

Lawe LOGOS HOPE ngikak bawang bang tana’ inih;

Port Arrival Date Departure Date
Port Klang, Malaysia September 28th, 2011 October 24th, 2011
Kuching, Malaysia October 27th, 2011 November 15th, 2011
Kota Kinabalu, Malaysia November 17th, 2011 December 13th, 2011
Singapore, Singapore December 16th, 2011 December 28th, 2011
Cebu, Philippines January 13th, 2012 February 14th, 2012
Manila, Philippines February 16th, 2012 March 14th, 2012
Shipyard port, Philippines March 15th, 2012 April 4th, 2012
Drydock and layup port, Philippines April 4th, 2012 June 5th, 2012
Port, Philippines June 6th, 2012 June 26th, 2012

AnchorPoint

In that day they will say, “Surely this is our God; we trusted in him, and he saved us. This is the LORD, we trusted in him; let us rejoice and be glad in his salvation.”

Isaiah 25:9

Port Klang Selangor

Port Klang Selangor

My Family

My Family

Logos Hope

Logos Hope

US Navy

US Navy

Logos Hope

Logos Hope

Lun macing ngikak Logos Hope

Lun macing ngikak Logos Hope

Langu Tadem, Nancy and Eva

Langu Tadem, Nancy and Eva

Tiket semuat RM1

Tiket semuat RM1

Krew nau itun kuan anak anak

Krew nau itun kuan anak anak

Logos Hope

Logos Hope

Rasat Aco macep

Rasat Aco macep

Baris kadang, Kudeng umak alud bang cerita titanic dih peh lem.

Baris kadang, Kudeng umak alud bang cerita titanic dih peh lem.

Logos Hope

Logos Hope

Cafe bang alud Logos Hope

Cafe bang alud Logos Hope

Anak anak kuh

Anak anak kuh

Mawang niat kuh neh ngikak alud rayeh Logos Hope

Mawang niat kuh neh ngikak alud rayeh Logos Hope

Ezra pegaber dengan US Navy

Ezra pegaber dengan US Navy

ULUN LUTEP RUEN NECU

Posted: 25 September 2011 in Aktiviti
Tag:, ,
Tabika Perpaduan Dato Dollah 2011(Pertandingan Rukun Negara)

Tabika Perpaduan Dato Dollah 2011(Pertandingan Rukun Negara)

Do aco minggu. Aco sinih kai ngeruma na ine’ tebubpun. Anak kuh Elda Saran inan aktiviti pertandingan maca’ rukun negara sempena Hari Merdeka dan Hari Malaysia @ 1Malaysia dai tadika luk inan neh sikula’.

Ngubur Tuhan! Anak kuh Elda Saran ngalap NO.1 bang tanding ineh.

Anak kuh NO.1

Anak kuh NO.1

Lemubed ngerawe seruked ulun kai tunge’ tana Melaya, mula’ peruan peruan luk na mekiap kuh bire Tuhan kuan tatek ruma’ kuh. Tuhan ngeperuan nekai mulun arang komuniti luk majoriti pupuh Melayu, kina idi India agan pana semetuneh; inirat kuh ui pupuh luk minoriti tunge.

Ngiceh buek tang pupuh abai ‘dimana bumi dipijak disitulah langit dijunjung’, terawe kuh kudeng ter’paksa’ mo’ ui nguit tatek ruma’ kuh ‘menyesuaikan diri’ mulun maya adat resam masyarakat majoriti luk idih libut kai. Rat bang niat kuh ui mala tu tu, ara’ ui ulun luk kudeng inih. Mula’ luk terpaksa ruen nai ‘korban’ kareb nai mulun mangun kuh anak perantau.

Taga Bawang Puneng Arur (By. Edwin Photography)

Taga Bawang Puneng Arur (By. Edwin Photography)

Terawe kuh, kian lek asal peh kai ngeruma’ mulun tebawang nekinih, le le dawa’ anak kinih luti luti merot yang barat kudeng kuh mon. Kian lek, mungkin juu’ atau peripanud dai abpa’ trusan ideh nekinih lek?. Kian lek, item item tang deh kuman bua’ sikeli’ erm barut barut kukud deh ngalap bua’ bidang. Ulun lutep ruen necu!

Kampung Long Tanid, Long Semadoh, Lawas. Sarawak

Kampung Long Tanid, Long Semadoh, Lawas. Sarawak

Kiuk ulun tana’, ulun tau lutep ruen necu. Anun luk pangeh nangun bang ulun tau bang rica’ luk mon… mangun kuh ngetueh niat tau ngenau luk abud do. Ngerawe ulun kuan aco pa-atun tau peh. Dih peh yeh… dih neh yeh! Lutep mo’ sembayang mutuh Tuhan ngukab peruan kuan ulun tau anid burur anid anid aco dengan na melawa’.

Ngurah Rai Internasional Airport

Ngurah Rai Internasional Airport

Air Asia... 'Ide pana' miek temulud'

Air Asia... 'Ide pana' miek temulud'

Patun dalan semuet bang Tample

Patun dalan semuet bang Tample

Pulau Bali sebuleng pulau muneng dai Indonesia. tinudo arang Pulau Jawa idi Pulau Lambok. Kinula’ lemulun mudeng bang pulau inih kira kira 4juta. 93% ideh yenih menu idi sembayang kuh akang (Hindu).

Ruma’ luk inan deh sembayang penu’ kuh macam macam kiung akang. mula’ lemulun semuat idi remuat rat bang ruma’ ruma’ akang inih ngenau ritual sembayang dengan na meputut anid jam. Pulau bali inih penu’ kuh roh roh arang gawa’. Miek ruen kuh ngerasa’.

Kareb nalan tunge Bali, megai ui papu idi nier iring dalan, patun ruma’, restoran idi su inan deh keraja’ lemulun tunge’ mare bare @ persembahan (Canang Sari). Bare @ persembahan deh inih ruen deh ngenau bang do piasau. Bang ineh inan macam macam bare kudeng; busak bunga, nuba’ bara laket, sigup, tucu’, usin idi inan colok ruen deh ngabpen luun inih.

Acara bare @ Canag Sari inih ui nier na meputut ngacehkuh sua sua lemulun ngenau acara sinih. Serebpu’ le le mekeredu’ muh bare@Canang Sari deh luk ruen deh ngenau iring dalan ngaceh kuh pelaba ula’ dih.

Bare @ Persembahan ( Canag Sari)

Bare @ Persembahan ( Canag Sari)

Anid kua’ ucu inan sebuleng daerah atau tempat pelancongan, mula’ lemulun ame’ ngapu nemuh nguit barang pasui. Biasa’ ideh masui kuyu’, kain idi kraftangan. Aleg meli petecu… miek nai ngurang raga mecing 50%. Iamo’… sebuleng luk inan kuh pelaba dat pian… Asal nai ara’ melih, ubuk ubuk, uring uring idi rada’ rada’ deh nemuh mecing iko melih barang deh dih.

Tirtha Empul Temple

Tirtha Empul Temple

Pegaber bang sebuleng Tample

Pegaber bang sebuleng Tample

Tunge bali penu’ kuh ruma’ tempel Hindu (pura), mela ratnan 20,000 ribu. Agama Hindu pangeh mio necing bang bawang sinih kira’ kira 500 lak luk nepelaba.

Sebuleng pegkung Berapi siren rat Kintamani

Sebuleng pegkung Berapi siren rat Kintamani

Staff rat Hextar Chemicals Sdn Bhd

Staff rat Hextar Chemicals Sdn Bhd

Tunge Bali megai lemulun nau alai siren pelancong luk mecing. Inan mula’ alai luk miek siren; Alai Legong, Alai Kecak idih luk mebala yeh ineh Alai Barong.

Barong

Barong

Alai Barong

Alai Barong

Kareb ui nier alai Barong inih… merinit buluh pudek kuh. Uni tawak idih alat muzik luk ruen nai ninger, seolah olah nawar roh roh mecing arang uned kai idi nguit nenai semuet ame’ bang sebuleng suasana luk mebeken tutu. Amung deh luk ngalai kudeng inau ‘rasuk’ idi ngalai maya’ uni muzik.

Denpasar ngadan ibu kota Bali. Mula’ tempat luk miek ruen ngikak tunge kudeng Ubud, Jimbaran, Kuta, Tanah Lot, kintamani, Bedugul idi luk baken te’.

Uih tudo White Rose Hotel bang kawasan Kuta. Kuta sebuleng tempat luk do inan nalan pa malem aco (kurang lebih kudeng dai Bukit Bintang, KL). Mula’ luk siren nai.

Pura Taman Ayun

Pura Taman Ayun

Asal nai nalan idi semuat bang temple, kuan ide ide luk makai mateh seramin (kudeng kuh)… Awas! mula’ becuk idih kuyad. Inan sebuleng kawan kuh, uned kai pegaber, becuk ineh danak danak uput idi negeranut mateh seramin rat nan kiung neh. Do nasib lemulun luk keraja’ matar tempat ineh nengerada’ idi nengalap mateh seramin ineh lemubed.

Tanggal 12 Oktober 2002 dai kawasan Kuta, Lun dat pangeh neh ngebom sebuleng pub (Jalan Legian) idi kinula’ 202 lun nate. Arang deh luk mula’ nate, Lun mebuda’.

White Rose Hotel

White Rose Hotel

Pa kated kineh list ngadan deh luk nate inau ngebom dih

Pa kated kineh list ngadan deh luk nate inau ngebom dih

Monument kawasan luk inau ngebom dai Bali

Monument kawasan luk inau ngebom dai Bali

God Please Don't leave Us. As We Are Nothing Without You. Amen

God Please Don't leave Us. As We Are Nothing Without You. Amen

Temulud maya Airasia. LCCT-PHUKET

Phuket sebuleng rat arang Pulau luk abud rayeh dai Thailand, kurang lebih kiar Singapore. Libut neh abpa rayeh Lautan Andaman

Pulau dai Phuket.ThailandPhuket. Thailand

Phi Phi Island sebuleng rat arang mula’ pulau luk idih libut Phuket. Rat Phuket maya kapal abpa’ ame’ Phi Phi Island kiado 2 1/2 jam. Phi phi Island do ruen kaki ngenub ngikak iamo’ na mekelawan taga laut laut luk idi tunge Malaysia terutama pulau pulau dai Sabah. Kian lek… mungkin kuh Phi Phi Island nerusak inau tsunami lak 2004 dih.

Sebuleng kawasan iring pantai luk mebala inan dawa’ pelancong nalan dai Phuket yeh ineh Patong Beach. Sebeken ratnan ineh mula’ tempat baken miek ruen ngikak;  Karon Beach, Kata Beach, Kata Noi Beach, Nai Harn Beach, Kamala Beach, Surin Beach idi Bang Tao Beach.

Arang Gawa'

Arang Gawa

Phuket Airport

Phuket Airport

Patun sebuleng tample dai Phuket

Patun sebuleng tample dai Phuket

Akan muned aco. luk do main... Sup Tom Yam

Akan muned aco. luk do main... Sup Tom Yam

Baumanburi Hotel

Baumanburi Hotel

Takep, Baumanburi Hotel

Takep, Baumanburi Hotel

Patun Hard Rock Cafe. Phuket

Pa madecem aco, sebuleng dalan luk mebala do kuan lemulun luk kaki pub idi kaki segala kaki ngikak, ngadan dalan dih Bangla Road. Alem yenih penu’ kuh ramai. Surga duniawi kelun dih. Macam macam ada… ‘Bala’ luk pelaba popular ruen muh ninger lemaba maya’ iring dalan  neh, “masage… masage…” maksud neh “ngurut… ngurut..” Ara’ peh iko layan… “dih yeh pebala beruh, “masage… masage… ‘good ending… good ending’…” termaksud neh yenih… ngurut ngurut termasuk nau *sidih* men. Ehemm ehemmm… NOTE: Khas kuan delai mo’.

Irup Pakak.

Irup Pakak.

Alud Rayeh luk nguit nekai ame Phi Phi Island

Alud Rayeh luk nguit nekai ame Phi Phi Island

Bang lawe ame' PHI PHI Island

Bang lawe ame' PHI PHI Island

Luk siren arang lawe

Luk siren arang lawe

Bang Kapal Abpa'

Bang Kapal Abpa'

Pulau arang lawe ame' Phi Phi Island

Pulau arang lawe ame' Phi Phi Island

Phi Phi Island

Phi Phi Hotel

Phi Phi Hotel

Lun keraja, Hextar Chemicals Sdn Bhd

Lun keraja, Hextar Chemicals Sdn Bhd

Phuket idi kawasan libut neh nerusak mebura’ inau tsunami tanggal 26 Desember 2004. 250 lemulun nate puar pelancong rat luar negara. Mula’ pantai dai Phuket; Kamala, Patong, Karon idi Kata pelaba rusak.